SF90 Stradale модели һәмчинин, һибрид трансмиссијаны там истифадә етмәјә имкан верән, там өтүрүҹү (4WD) системлә тәмин едилмиш илк Ferrari идман автомбилидир вә бу да һәмин автомобили јериндән ҝөтүрүлмәдә јени еталон едир: 2,5 санијәдә 0-100 км/саат вә ҹәми 6,7 санијәдә 0-200 км /саат.
Диҝәр бир јенилик дә, автомобилдән јүксәк перформанс ҝөзләндији заман, дүз золагларда вә ја минимал дөнҝәләрдә мүгавимәти азалтмагла вә дөнҝәләрдә, әјләҹи басдыгда вә сәјаһәт истигамәтини дәјишдикдә мүгавимәти артырмагла, һава ахыныны кузанын јухарысыјла тәнзимләјән, автомобилин арха һиссәсиндә јерләшән, патентли актив “shut-off Gurney” системидир.
Үслуб ҹәһәтдән, ијирми ил бундан әввәл 360 Modena моделиндә тәгдим олунмуш мәркәз-арха мүһәррикли berlinetta идман автомобилләринин нисбәтләри, тамамилә јениләнмиш вә Ferrari-нин ән сон супер автомобилләриндән илһамланмышдыр. Нисбәтән кичик габаг һиссәси олан вә мүгавимәти азалтмаг үчүн автомолин өн һиссәсинә даһа јахын јерләшән сүрүҹү кабини буна чох јахшы нүмунәдир. Һәмчинин бу, салонун раһатлығына мүдахилә етмәдән әлдә олунмушдур.
Һәмчинин “Ҝөзләр јолда, әлләр сүканда” фәлсәфәси, интерјерин ергономикасына вә тәрзинә әһәмијјәтли дәрәҹәдә тәсир едәрәк илк дәфәдир ки, һәгигәтән мәркәзи ролу ојнајыр. Нәтиҹә исә, HMI (инсан-машын интерфејси) вә өзүндән әввәлки моделләрдән тамамилә фәргләнән дахили тәртибат консепсијасы олмушдур.
Сүкан чархынын үзәриндә, сүрүҹүнүн јалныз баш бармагларыны истифадә етмәклә автомобилин демәк олар ки бүтүн аспектләринә нәзарәт едә биләҹәји сенсор вә бир сыра тохунулан дүјмәләр вардыр. Сүкан чархындакы дүјмәләр васитәсилә там шәкилдә конфигурасија вә идарә олуна билән 16 дүјм маили HD екранын илк дәфә олараг автомобилдә тәтбиги илә мәркәзи аләт кластери тамамилә рәгәмсаллашмышдыр.
Ferrari тарихиндә илк дәфә олараг мүштәри, стандарт автомобиллә нисбәтән даһа чох идман үслублу спесификасија арасында сечим едә биләр: Assetto Fiorano. GT јарышлары үчүн һазырланмыш хүсуси Multimatic амортизаторлар, автомобилин чәкисинин 30 кг азалмасына сәбәб олан карбон лифи (гапы панелләри, кузанын алты) вә титан (јајлар, бүтүн һава борулары) кими јүксәк кејфијјәтли материаллардан һазырланан чох јүнҝүл елементләр дә дахил олмагла бу спесификасијаја әһәмијјәтли јениликләр дахилдир. Диҝәр бир фәрг исә, 250 км/саат сүрәтилә һәрәкәт заманы 390 кг сыхма ҝүҹү јарадан, јүксәк сыхма ҝүҹүнә малик карбон лифиндән һазырланмыш арха спојлердир.